Политика за приватност
Оваа Политика за приватност е осмислена да Ве информира за видот на собраните податоци и начинот на кој тие се користат. Исто така, ќе научите како можете да ги остварите своите права како Корисници односно испитаници во однос на Општата регулатива за заштита на личните податоци (ЕУ) 2016/679. Политиката за приватност се однесува на апликацијата „LG Master Club“ (во натамошниот текст „Платформа“).
Сите промени на оваа Политика ќе бидат објавени преку Платформата. Ова му овозможува на корисникот во секое време да биде информиран за тоа кои податоци ги собираме и како ги користиме.
1. Ракувач со податоци
Ракувач со податоци одговорен за обработка на податоци / Податоци за контакт
Smart Vision д.o.o., Јурија Гагарина 12б/5, 11000 Белград, Србија
заедно со
LG Electronics Magyar Kft. (адреса на седиштето: Унгарија, 1097 Будимпешта, Könyves Kálmán krt 3/A)
како заеднички ракувачи со податоци според чл. 26 од Општата регулатива за заштита на податоците (ЕУ) 2016/679 (GDPR).
Можете да ги остварите своите права како корисник во однос на наведените ракувачи. Ние и ракувачите со податоци кои се одговорни заедно со нас веднаш ќе се информираме меѓусебно за сите права што ги остваруваат корисниците. Ќе си ги обезбедиме сите потребни податоци за да одговориме на барањата за информации.
Smart Vision д.o.o. на испитаниците ќе им ги обезбеди потребните информации во согласност со членовите 13 и 14 од GDPR. Останатите заеднички ракувачи со податоци во тој процес ни ги обезбедуваат сите потребни информации од својот делокруг на работа.
2. Вид и цел на обработката на личните податоци, како и правна основа
2.1. Користење на Платформата
Личните податоци на корисниците се собираат исклучиво заради функционирање на Платформата и спроведување на наградување со цел подобрување на продажбата, а сето тоа во согласност со прописите кои ја уредуваат заштитата на личните податоци во меродавната надлежност, пред сѐ Општата регулатива за Заштита на личните податоци на ЕУ (GDPR).
Личните податоци собрани од корисниците на Платформата се податоци за идентификација и контакт, и тоа:
- име и презиме
- податоци за компанијата во која работи корисникот
- податоци за контакт (телефонски број и адреса на е-пошта)
2.2. Програма за наградување
Податоците за корисникот од точка 2.1. се користат како би можел Smart Vision д.o.o. да обезбеди услуги на барање на корисникот, како и врз основа на согласност на корисникот, првенствено:
заради доделување бодови
заради обезбедување бенефиции
заради прилагодување на изборот на комуникација
2.3. Промотивни пораки (е-пошта, електронски известувања)
Ги обработуваме личните податоци на корисникот (податоци за контакт) за промотивни цели, со кои доставуваме информации за новости, промоции и едукации организирани од страна на LG Electronics.
Со прифаќање на овие Услови и користење на Платформата, корисникот се согласува дека Платформата може да испраќа известувања и пораки на податоците за контакт што ги оставил при регистрацијата и креирањето на профилот (e-пошта, телефон за контакт). Ако податоците на корисникот се застарени или невалидни, може да се пропуштат важни известувања.
Со прифаќање на овие Услови, како и со користење на Платформата, корисникот ја потврдува точноста на дадените информации за контакт.
3. Примач на личните податоци
Податоците генерално се чуваат во Република Северна Македонија или во која било друга земја каде што Smart Vision д.o.o. или другите ракувачи со податоци имаат поврзани друштва или подружници. Податоците примарно се чуваат во Србија. Smart Vision д.o.o. може да соработува со давателите на услуги со седиште во и надвор од Европската унија, кои евентуално би можеле да имаат пристап до податоците на корисниците со цел да обезбедат услуги за складирање, обработка или одржување на податоци, кога имаат капацитет на процесор во однос на GDPR и важечките регулативи. Независно од локацијата за складирање, ги преземаме неопходните мерки обработката на информациите што ги собираме во согласност со оваа политика за приватност да се врши во согласност со оваа Политика и важечките законски прописи.
Вашите податоци по правило, не им ги пренесуваме на трети лица, освен ако не сме под законска обврска (на пример, кај повик од страна на тело за кривично гонење) или ако ни требаат трети лица да спроведуваат деловни процеси или да ни обезбедат услуги врз основа на договорот за обработка на податоци. Тоа се, на пример, даватели на услуги за испорака на пакети, даватели на платежни услуги, даватели на услуги за стоки, даватели на услуги за обработка на нарачки, даватели на хостинг на Интернет, агенции за комуникација, внатрешни центри за повици на концернот, како и надворешни центри за повици или, исто така, даватели на ИТ-услуги. Во сите случаи, строго ги почитуваме законските прописи. Во споменатиот контекст, можен е и пренос на податоци во други земји каде горенаведените договорни партнери може да имаат свое седиште, односно да обработуваат податоци. Тоа се првенствено земјите од Европската економска област (ЕЕР), како и во поединечни случаи земји надвор од ЕЕР чии прописи за заштита на податоците може да бидат различни или да обезбедуваат пониско ниво на заштита од регулативите на Европската Унија. Последица на гореспоменатото може да биде, на пример, тоа што Вашите податоци може да бидат обработени од државни органи заради контрола и надзор, можеби и без можност за правна заштита. Бидејќи личните податоци се обработуваат надвор од Европската Унија и нема одлука на Европската комисија за соодветна заштита на податоците, ние спроведуваме соодветни мерки за заштита, вклучително и договарање на Стандардни договорни клаузули за заштита на податоците во ЕУ.
Текстот на договорот на Стандардните договорни клаузули на ЕУ за заштита на податоците и одлуките за соодветност можете да го најдете на веб-страницата на Европската комисија. Можете да пристапите до стандардните договорни клаузули на ЕУ за заштита на податоците овде, и можете да пристапите до одлуките за соодветноста овде.
4. Права на корисниците (испитаниците) и времетраење на складирањето
Имате право на информација за обработката на личните податоци што се однесуваат на Вас, право на преносливост на податоците, како и – доколку е применливо – право на бришење, корекција, ограничување на обработката и/или приговор за обработка, како и право да поднесете жалба за обработка до надзорно тело:
Поднесувањето на приговор можно е кај надзорниот орган во земјата на ракувачот со податоците:
Агенција за заштита на личните податоци
Булевар „Гоце Делчев“ бр. 18 (зграда МРТВ, 14-ти кат)
Поштенска кутија 417
1000 Скопје, Северна Македонија
Комесар за информации од јавно значење и заштита на лични податоци
Булевар краља Александра 15,
11120 Белград, Србија
е-пошта: office@poverenik.rs
Во продолжението е дадено објаснување за правата на испитаникот:
- Право на пристап: испитаникот има право да бара увид во своите лични податоци и да дознае детали за тоа кои податоци се собираат и за кои цели.
- Право на корекција: испитаникот има право да исправи неточни лични податоци кои се однесуваат на него.
- Право на бришење: испитаникот може да побара бришење на своите лични податоци, на пример, ако податоците повеќе не се потребни за целите за кои се собрани или обработени на друг начин.
- Право на ограничување на обработката: испитаникот има право да бара ограничување на обработката на своите лични податоци; во тој случај, податоците ќе бидат блокирани за каква било обработка. Ова право постои особено ако точноста на личните податоци е предмет на спор помеѓу испитаникот и ракувачот со податоците.
- Право на поднесување жалба до надзорниот орган за заштита на податоците: испитаникот има право да поднесе жалба во секое време до органот за надзор, особено надзорниот орган во земјата-членка во која престојува, работи или каде што се случила наводната повреда, доколку смета дека обработката на личните податоци што се однесуваат на него ги прекршува важечките закони за заштита на податоците.
- Право на преносливост на податоци: Доколку обработуваме лични податоци за да исполниме договор со испитаникот или врз основа на согласност на испитаникот, испитаникот има право да ги прими своите лични податоци во структуриран, вообичаен и машински читлив формат, под услови и до степен до кој испитаникот ги ставил податоците достапни на ракувачот со податоците.
- Право на повлекување на согласноста: Доколку испитаникот дал согласност за обработка на неговите лични податоци, тој има право да ја повлече таквата согласност во секое време, со идна примена. Повлекувањето на согласноста нема да влијае на законитоста на обработката врз основа на согласност пред нејзиното повлекување.
4.1. Правна основа, повлекување на согласноста и период на складирање
Обработката на личните податоци на испитаниците во овој контекст се заснова на согласност на корисникот во согласност со чл. 6 ст. 1 лит. а) од GDPR.
Корисникот може да ја повлече својата согласност во секое време, со примена понатаму во иднина, така што ќе ја промени или избрише соодветната согласност во својот кориснички профил или со испраќање писмо или е-пошта на горенаведената адреса за контакт. Согласноста за примање на нашиот newsletter / друго рекламирање преку е-пошта може да биде повлечена од страна на корисникот на ист начин. Повлекувањето на согласноста не влијае на законитоста на обработката врз основа на согласност пред нејзиното повлекување.
Ние ќе ги обработуваме личните податоци на корисникот за горенаведените цели само додека согласноста е валидна или додека е неопходно да се исполни која било законска обврска за складирање податоци.
4.2. Испраќање пакети со подароци
За да го испратиме пакетот подарок, ги споделуваме името, презимето и адресата на корисникот со нашиот давател на логистички услуги и со компанијата за испорака за да можеме да го доставиме пакетот до корисникот. Корисникот исто така има можност да добива известувања од доставувачот за статусот на испорака со наведување на неговата e-пошта адреса.
Корисничките податоци се обработуваат со цел/легитимен интерес за испраќање пакети со подароци врз основа на чл. 6 ст. 1. лит. б или лит. ѓ од GDPR. Корисникот може да даде согласност да прима известувања за испорака преку својата е-пошта адреса. Во тој случај, адресата на е-пошта на корисникот ќе биде обработена врз основа на неговата согласност и за целите и во опсегот опишани таму.
Податоците на корисникот ги чуваме сѐ додека е неопходно за исполнување на горенаведените цели или додека е неопходно да се исполни која било законска обврска за складирање на податоци.
Адресата на која корисниците можат да се обратат за да добијат информации за начинот на кој Smart Vision д.o.o. обработува лични податоци, како и начин за повлекување на согласноста за обработка на лични податоци е lgmasterklub@smartvision.rs.
Доколку корисникот ја повлече согласноста, Smart Vision д.o.o. ќе ги избрише корисничките податоци во рок од 15 работни дена од датумот на повлекување на согласноста. Во секој случај, собраните податоци ќе се чуваат најмногу две години од датумот на регистрација, по што ќе бидат избришани.
5. Промени во Политиката за приватност
Smart Vision д.o.o. го задржува правото во секое време да ја измени и прилагоди оваа Политика за приватност.
Доколку се случат опишаните промени во Политиката за приватност, корисниците ќе бидат навремено известени за промените преку Платформата пред да стапат на сила промените. Континуираната употреба на „Платформата“ по добивањето известување за промените ќе се смета за согласност на корисникот за изменетата Политика за приватност.
Доколку корисникот не ја прифати промената на Политиката за приватност, може да го избрише својот профил.
Оваа верзија е објавена на 17.07. 2025 година.